Иҗтимагый-сәяси тапшырулар иҗат берләшмәсе

Приоритетлы милли проектларны кабул итү нәрсәгә кирәк? Муниципалитетларга нинди вәкаләтләр тапшырырга кирәк? Беренче карашка мондый төр сораулар һәр кешене дә кызыксындырмый. Әмма, уйлап карасаң, бу сорауларда күтәрелгән проблемалар барчабызга кагыла. Татарстанның иҗтимагый-сәяси тормышы турында гади итеп, аңлаешлы тел белән сөйләү - иҗтимагый-сәяси тапшырулар иҗат берләшмәсенең максаты. Атна саен берләшмәнең журналистлары Зөфәр Закиров, Юлия Казанцева, Әнзия Хәннанова, Ләйсирә Фазлыева тапшыруларында "Татарстан - Яңа Гасыр" тамашачыларына җөмһүриятнең социаль тормышындагы вакыйгаларны бәян итә.

Зөфәр Закировның авторлык "Среда обитания" проекты - әйләнә-тирә мохитебездә барган үзгәрешләр хакында бәян итә.

Татарстан Республикасы Дәүләт Советының эшчәнлеге турында сез Әнзия Хәннанова һәм Юлия Казанцеваларның "Канун. Парламент. Җәмгыять" һәм "Закон. Парламент. Общество" тапшыруларын карап белә аласыз. 

Автор һәм алып баручы Ләйсирә Фазлыева бер гасырдан да әзрәк вакыт эчендә Евразиянең киң далаларын яулаган дин хакында сөйли. Изге Коръән сүрәләренең аңлатмалары, Ислам кануннары, бүгенге мөселманнарның тормышы - ул хакта һәр атнаның җомга көнендә - "Нәсыйхәт" тапшыруында.  

Иҗтимагый-сәяси тапшырулар иҗат берләшмәсе баш редакторы: Закиров Зөфәр

Тел.: (843) 570-50-25, 570-50-24