Башка сорашулар
|
Хәбәрләр
|
Хан мәчете мөселманнарга кайтарылачак
Үзәк Россиядәге иң борынгы мөселман гыйбәдәтханәсен ислам дине тарафдарларына кире кайтарырга мөмкиннәр.
Сүз Рязань өлкәсенең Касыйм шәһәрендә урнашкан Хан мәчете турында бара. 15нче гасырда төзелгән иман йортын татарларга тапшыру турындагы теләкне бу көннәрдә дәүләт даирәләре җиткергән. Әлегә җирле мөселманнар гыйбәдәтне 104 ел элек сафка баскан мәчеттә кыла. Фаразлар буенча Казанның соңгы ханбикәсе Сөмбикә Касыйм шәһәрендә күмелгән. Каберенең Шаһ Гали мавзолеенда булуы ихтимал. Татарлар өчен тарихи әһәмияткә ия бу урыннан ерак түгел тагын бер ядкәр бар.1467 елда ук төзелгән борыңгы мәчет.
Хәзерге вакытта дәүләт Хан мәчетен мәхәлләгә тапшырырга әзер. Әлегә биредә музей урнашкан. Мөселманнар исә гыйбәдәтне яңа мәчеттә кыла. Иман йорты 1906 елны Касыйм сәүдәгәре Нигмәтулла Дуймакаев акчасына төзелгән. Узган гасыр ахырында мәчетне кире мөселманнарга кайтаралар.
Хәзерге вакытта җирле мөселманнар тагын бер бинаны үзләренә кайтарырга тели.
Элеккеге биткә
|
|
|
