|
Кызуда ничек чыдарга?
Кардиологлар бу кызуда йөрәк-кан тамырлары авырулары белән авыручыларга үзләренең кан басымын даими күзәтеп торырга, эссе кояштан качарга, күбрәк сыеклык кулланырга киңәш итә.
Гипертония һава температурасы 30 градустан артканда, катлаулыклар китереп чыгарырга мөмкин, шуңа күрә белгечләр йокыдан торгач артериаль басым күрсәткеченә игътибар итәргә куша. “Саннар югары икән, табибка мөрәҗәгать итәргә, аның киңәше белән иртән кабул иткән дару дозасын арттырырга кирәк”, дип белдерә Бакулев исемендәге йөрәк-кан тамырлары хирургиясе үзәге белгече Василий Папиташвили. Шулай ук көндез күбрәк җиләс урында булырга, ешрак душ керергә, сыеклык куллануны тәүлегенә 1.5 литрга җиткерергә кирәк.
Элеккеге биткә
|
