|
Депутат буласың килмиме?
Сайлау комиссиясендә хәзер депутатлыкка кандидатлардан гаризалар кабул ителә.
Алардан акчалата кертем соралмый, әмма халыктан имза җыю шарт. Гомумән, 10нчы октябдә узачак тавыш бирүдә үзенчәлекләр шактый. Сайлау кампаниясенә старт бирелгәнгә бер атнага якын вакыт үтте. Әлегә - тынлык. Депутат булырга теләүчеләрдән бер генә гариза да кермәгән Шәһәр Думасындагы буш кәнәфиләр 50. Халык ышанычлыларының яртысы бер мандатлы округлардан, яртысы партияләр исемлеге буенча сайланачак.
Депутатлар яшәрә. Элек мандатка дәгъва кылыр өчен яшең 21гә җитү кирәк иде. Хәзер 18гә калдырганнар. Сайлауларда кайбер чит ил гражданнары да катнаша алачак. Тавыш бирү хокукына ия булыр өчен әлеге дәүләтнең Россия белән халыкара килешүе кирәк. Мисалга, Төркмәнстан. Әмма кунакның Казанда теркәлгән булуы шарт.
Шәһәр Думасындагы кәнәфиләр өчен көрәшүчеләрнең тулы исемлеге 30нчы августта билгеле булачак. Теркәү шул көнне төгәлләнә. Ә инде сентябръ башында Казан урамнары теге яки бу кандидат өчен тавыш бирергә чакырган плакатларга күмеләчәк.
Элеккеге биткә
|
