|
"Актуальный Ислам"ны сайттан да карап була
"Татарстан - Яңа Гасыр" каналында чыга башлаган "Актуальный Ислам" тапшыруын каналның сайтыннан да карау мөмкинлеге булдырылды. Аны сайтның рус телендәге беренче битендә карарга мөмкин.
"Актуальный Ислам" рус телендә һәр җомга көннәрендә дөньякүләм таралган – Ислам дине турында сөйләүче тапшыру. Биредә ислам дине кануннары турында һәм дини традицияләр белән якыннанрак танышырга мөмкин. Әйтик, тамашачылар ислам буенча хатын-кыз ничек киенергә тиеш, балага исем ничек кушыла, мөселманнарча исәнләшүнең мәгънәсе нәрсәдә кебек сорауларга җавап ала алачак. Тапшыруны Татарстан Җөмһүрияте Мөселманнарының Диния Нәзарәте Голәмәләр советы рәисе, Россия Ислам университеты проректоры Рөстәм Батров алып бара.
"Актуальный Ислам"ны җомга көннәрендә “Хәерле иртә!” тапшыруыннан соң (якынча 7 сәгать 45 минутта), ә кабатлау чыгарылышын якшәмбе көнне 15 сәгать 50 минутта карагыз.
Элемтәгә керү өчен телефон: (843) 570-50-26, E-mail: islamaktual@mail.ru
Элеккеге биткә
|
