Дин - бу дөньядагы иң изге сыйфатларны сугаручы илаһи бер чишмә. Безгә дин халыкларның юлын яктыртучы нур итеп, аларны караңгылыктан яктылыкка чыгару өчен җибәрелгән. “Яңа Гасыр” радиосында Рамазан ае уңаеннан махсус проект - “Хикмәти дөнья”!

Тыңлаучыларыбызга язмыш сынауларын узарга, югалудан, афәттән котылырга дога, Аллаһка сыену ярдәм иткән очраклар аз булмагандыр.

Ходай ярдәме белән башыгызга зиһен, тәнегезгә сихәт иңгән мизгел турында безгә языгыз яки (843) 570-50-97 номерлы телефон аша шылтыратып сөйләгез. E-mail: ilnurf@mail.ru .

“Хикмәти дөнья” проекты ТР Дәүләт Советы депутаты, Казан шәһәре хаҗилар шурасы рәисе Фәрит Мифтахов теләктәшлеге белән әзерләнә. Акция 11нче июльдә башланып Ураза гаете көнне тәмамланачак. Гыйбрәтле очракны сурәтләгән хатлары эфирда яңгыраган тыңлаучыларны Фәрит Мифтахов һәм “Яңа Гасыр” радиосыннан истәлекле бүләкләр көтә.