Ветеран фатирдан баш тарта
Татарстанда мондый хәлнең әле булганы юк иде.
Җиңүнең 65 еллыгына бушлай бирелүче фатирдан ветеран баш тарта. Моның сәбәбе - гади. Яшел Үзән шәһәрендә яшәүче Хәйретдин Ишмеев үзенең бүгенге яшәү шартларыннан канәгать.
Хәйретдин бабай белән Галибә апа Яшел үзәннең Яфраклы урамында икәү генә гомер итә. Йорт таза-нык, җылы, өстәвенә мунчасы бар, бакчада җиләк-җимеш агачлары күп. Мондый җәннәттән китәсе килми. Ә яңасы исә кирәк түгел. Ишмеевларның бердәнбер кызлары Казанда яши. Торакка ул да мохтаҗ түгел. Бүген ветеранны инде соңгы кат үгетләргә килделәр. Хәйретдин бабай китәр алдыннан безгә янә искәртте. Үзенең 6 бүлмәле җылы йортын ул берниди дә башка яңаларына алыштырмаячак.
Элеккеге биткә
| 
