|
Горький тимер юлы язгы ташу чорына әзерләнә
Әзерлек буенча оператив төркем белән магистраль җитәкчесенең беренче урынбасары Александр Процкий җитәкчелек итә.
Бүгенге көндә юл дистанцияләрендә су бүлү корылмаларын, кече күперләрне, торбаларны кардан һәм боздан чистарту, елга үзәннәрен тикшерү эшләре бара. Горький магистраленең төрле участокларында җир полотнолары да ныгытыла. Техника әзерлегенә, җиһазлар һәм махсус материаллар белән тәэмин ителешкә зур игътибар бирелә. Моннан тыш, ташу чорында тимер юл транспортына зыян килмәсен өчен, сусаклагычлар, буаларга ныклы контроль булдырылган. Локомотив бригадаларына алдан ук катлаулы участоклардан узу өчен инструктаж уздырыла. Март ахырына Горький тимер юлында су басуга каршы ныгытылган 272 платформа булачак.
Элеккеге биткә
|
